தேர்வு பெற்று பட்டியலில் இடம் பெறாதவர்கள், தயவு செய்து உங்கள் நம்பிக்கையை இழக்காதீர்கள்

நம் அரசு பல்வேறு நிலைகளில் மேலும் பணியிடங்களை விரைவில் அதிகப்படுத்த முடிவு செய்துள்ளது. அடுத்தடுத்த பட்டியலில் நீங்கள் இடம்பெறுவீர்கள் என்பது உண்மையே. 

சில நண்பர்களுக்கு

தயவு செய்து பொய்யான வாக்குறுதிகளை தந்து,  தேர்வு பெற்று  பட்டியலில் இடம் பெறாதவர்களை தவறாக வழி  நடத்தாதீர்கள். 

போராட்ட நண்பர்களுக்கு 

உங்களிடம் நிறைய திறமை உள்ளது மறுப்பதற்கு இல்லை.

சரியான முறையில் செயல்படுங்கள் , என் 16 வருட அனுபவத்தில் தவறான நபர்களின் வழிகாட்டுதலில்,  அனைத்தையும் இழந்த பல நண்பர்களை சந்தித்து உள்ளேன்.

ஆரம்பத்தில் அனைவரும் நம்முடன் இருப்பார்கள்,  உன்னால் அனைத்தையும் செய்ய முடியும் என்று ஊக்கப் படுத்துவார்கள்.

கடைசியில் திரும்பி பார்க்கும் போது ஒருவரும் நம் அருகில் இருக்கமாட்டார்கள்.

எங்களோடு வாருங்கள், நாங்கள் சொல்வதை கேளுங்கள் என்பார்கள், அவர்களின் காரியம் முடிந்தவுடன், உங்களை யார் என்று கேட்பார்கள்.

இதுதான் முற்றிலும் உண்மை.

மீண்டும் ஒரு முறை தெரிவித்து கொள்கிறேன்  போராட்டம், கோர்ட்  என்ற பெயரில் உங்கள் நேரத்தை வீணாக்காதீர்கள்.

நமது அரசு பல்வேறு திட்டங்களை அறிவித்து, மேலும் பல்வேறு பணியிடங்களை உருவாக்க இருக்கிறது. அதன் மூலம் தேர்வு பெற்று பட்டியலில் இடம் பெறாதவர்கள் நிச்சயம் வெகு விரைவில் பலன் பெறுவீர்.

இது தான் முற்றிலும் உண்மை,  என் வரிகள் உங்களை காயப்படுத்தி இருந்தால், மன்னிக்கவும்.

பணி நியமனம் பெற்று ஆசிரியர் பணிக்கு செல்லும் அனைவருக்கும் என் பணிவான வேண்டுகோள்.

உங்களுக்குள் இருக்கும் பகைமை உணர்வை போக்கி, நீங்கள் பணியாற்றப் போகும் பள்ளியின் மாணவர்கள் சேர்கை விகிதத்தை அதிகரித்து மேலும் பணியிடங்களை உருவாக்க முயற்சி செய்தீர்கள் என்றால் அதுவே நீங்கள் செய்யும் மிகப்பெரிய உதவியாக இருக்கும்.