பக்குவப்பட்ட மனமே !! ஏன் இந்த குழப்பம்!

"பிறர் மனது புண்பட்டால் ... அதில் கிடைக்கும் சந்தோஷம் எனக்கு போதும்" என்று நினைப்பவர்கள் ஒரு போதும் ஆசிரியர் பணிக்கு தகுதியற்றவரே. 

யார் மனதையும் இந்த வரி காயப்படுத்தி இருந்தால் மன்னிக்கவும். 

ஒவ்வொரு நாளும் பணி நியமனம் பெற காத்திருக்கும் அனைவரும்  நரக வேதனையை அனுபவித்து கொண்டு இருக்கிறார்கள் என்பதை தயவு செய்து புரிந்து கொள்ளுங்கள் நண்பர்களே, வேண்டாம் இந்த நரக விளையாட்டு . தேவையற்ற வதந்திகள், வீண் விவாதங்கள்.  நாம் யாரை முழுவதுமாக நம்புகிறோமோ (சில நண்பர்கள்) அவர் சமீப காலமாக தவறான தகவல்களை அளித்துக் கொண்டு இருக்கிறார் என்பது என்னுடைய கணிப்பு, தவறு இருந்தால் மன்னிக்கவும்,  தவறான வழக்கு எண்ணை கொடுக்கிறார், அதற்கும் இந்த வழக்கிற்கும் எந்த சம்பந்தமும் இல்லை.

மீண்டும் உங்களுக்கு தெளிவு படுத்த விரும்புகிறேன், நம் அரசு சரியான பாதையில் இந்த வழக்கை நடத்திக்கொண்டு இருக்கிறது,  

இன்னும் சில நாட்களில் பணிநியமனம் பெற இருக்கும் அனைவரும் சாதிக்கக் கூடிய ஆசிரியர்களாக பணியாற்ற உள்ளீர்கள் என்பதில் எந்த மாற்றமும் இல்லை. இதில் ஒருவர் கூட பாதிக்கப்போவது இல்லை, இது முற்றிலும் உண்மையே.  

புரிந்து கொள்ளுங்கள் நண்பர்களே,எவ்வளவோ நாட்கள் பொறுத்து இருந்தோம், இன்னும் சில நாட்கள் தானே , பொறுமையாக இருங்கள் நல்லதே நடக்கும் நிச்சயமாக.

இன்றிலிருந்து ஒரு விசயத்தை தெளிவாக புரிந்து கொள்ளுங்கள், தெளிவற்ற நபர்கள் சொல்லும் எந்த வார்த்தையையும் நம்பாதீர்கள், தெளிவான விளக்கத்துடன் நாங்கள் உங்களுக்கு அனைத்து  தகவல்களையும் சரியான நேரத்தில் தருகிறோம். வேதனையை மட்டுமே சுமந்து கொண்டு இருக்கும், சகோதரர்களே, சகோதரிகளே,

நான் சொல்வது அனைத்தும் பலமுறை கேட்டு தெளிவு படுத்திய பின்பு சொல்லப்பட்டவையே...

1. கலந்தாய்வில் பங்கு பெற்று பணி நியமனம் பெற காத்திருப்பவர்களுக்கு தற்போது உள்ள முறையில் எந்த ஒரு சிறு மாற்றமும் ஏற்படாது.

2. நீங்கள் பள்ளியில் சேர்ந்த ஒரு சில தினங்களில் மீதமுள்ள பணியிடங்களுக்கும் கலந்தாய்வு நடத்தப்பட்டு பணி நியமனம் பெற இருக்கிறார்கள். 

3. இதில் அரசை கடுமையாக விமர்சித்தவர்களும் வரலாம். 

4. அடுத்து வரும் TET தேர்வுகளில் ஒருவேளை மாற்றம் வரலாம்.

5. ஏற்கனவே தேர்வு பெற்று பட்டியலில் இடம் பெறாதவர்கள் பாதிக்காதவண்ணம், அரசு தெளிவான கொள்கையை வகுக்க இருக்கிறது. இதில் நிறைய நண்பர்கள் பலன் பெறுவார்கள்.  

சில விசயங்களை  தெளிவாக கூற இயலாத நிலையில் உள்ளோம். 

6. போராட்டம் என்ற பெயரில் உங்கள் வாழ்க்கையை தொலைக்காதீர்கள். உங்களுக்கு ஒரு தெளிவான தீர்வு கிடைக்கும். தங்கள் சுயநலத்திற்க்காக தவறான பாதையில் வழி நடத்துபவர்களை நம்பி, உங்களை நீங்கள் பலிகடா ஆக்கிக்கொள்ளாதீர்கள்.

சில நண்பர்களுக்கு

உங்களின் ஒரு வார்த்தையை அனைவரும் கடவுள் போல் நம்புகிறார்கள். அவர்களுக்கு உங்கள் நம்பிக்கையை உண்மையாக கொடுங்கள்.

அவர்கள் படும் வேதனையில் சந்தோசம் கொள்ளாதீர்கள். உங்களின் சகோதரர்கள், சகோதரிகள் நிலையில் நினைத்துப் பாருங்கள்.

தவறான விசயத்தை கூறாதீர்கள்.

பணி நியமனம் பெற காத்திருக்கும் அனைவருக்கும் உங்கள் சகோதரனாக கடைசியாக ஒன்றை கூற விரும்புகிறேன்.

எங்கள் மேல் நம்பிக்கை இருந்தால், தவறான விவாதங்களை தவிர்க்கவும். மீண்டும் இதே நிலை தொடர்ந்தால்,  

நான் இந்த தளத்திற்கு வந்து பதில் கூறுவது இதுவே கடைசியாக இருக்கும்.

முக்கிய செய்தி: சென்னை உயர் நீதிமன்றத்தின் தீர்ப்பு கிடைத்தவுடன், அத்தீர்ப்பின் நகலை கொண்டு, மதுரை உயர்நீதிமன்றத்தில் சிலமணி நேரத்தில் தடையாணை நீங்கும் என்பது, இந்த வழக்கினை அனைத்தும் அறிந்த மூத்த வழக்கறிஞர் மூலம் பெறப்பட்ட தகவல். இதற்கு RES JUDICATA (A Matter Already Settled in Court, cannot be Raised Again ) என்று பெயர்.