குற்றம் காண்பது முறையா?

நான் உங்களுக்கு ஒரு சிறுகதை சொல்லப் போகிறேன்.கவலைப் படாதீர்கள் சுவாரசியமாகத்தான் இருக்கும்.

ஒரு ஊரில் ஒரு கணவன்,மனைவி இருந்தனர்.மனைவிக்கு சிறு குறைபாடு.அதனால் தன்னுடைய குறையை மறைப்பதற்காக எப்பொழுதும் கணவனை குற்றம் சுமத்துவதிலேயே குறியாக இருந்தாள்.கணவனும் அதை எப்படியோ சமாளித்து வந்தான்.ஒரு நாள் மாலை  அலுவலகத்திலிருந்து பேருந்து மூலம் வீட்டை அடைந்தான்.பேருந்தில் மூச்சு கூட விட முடியாதபடி அதிக அளவு கூட்டம்.எப்படியோ வீட்டை வந்தடைந்தான்..

பேருந்தில் அதிக அளவு கூட்டம் இருந்ததின் காரணமாக பக்கத்திலிருந்த பெண்மணியின் தலைமுடியில் ஒரு முடி அவனது சட்டை பொத்தானில் சிக்கிக்கொண்டிருந்தது.இதை கணவன் கவனிக்கவில்லை.ஆனால் எப்பொழுதும் கணவனை குறை கூறுவதில் குறியாக இருந்த மனைவி அம்முடியினை கந்துவிட்டாள்.

எது என்ன பெண்ணின் தலைமுடி? உங்களிடம் எப்படி வந்தது என்று வினவினாள்.பேருந்தில் அதிக கூட்டம் இருந்ததால், அருகில் இருந்த பெண்ணின் தலைமுடி சிக்கிக் கொண்டது என பதிலளித்தான்.ஆனால் தன் குறையை மறைப்பதில் குறியாக இருந்த மனைவி, இல்லை நீங்கள் அந்த பெண்ணோடு தகாத உறவினை கொண்டுள்ளீர்கள்.அதனால்தான் இந்த முடி உங்களிடம் வந்தது என்று குற்றம் சுமத்தினாள்.

கணவனோ மன்னிப்புக் கேட்டுக் கொண்டதோடு மறுநாள் மிக கவனமாக நடந்து கொள்ள வேண்டும் என்று தனக்குத் தானே உறுதிமொழி எடுத்துக் கொண்டான்.

மறுநாளிலும் பேருந்தில் அதிக அளவில் கூட்டம்.இந்த முறை கணவன் மிக கவனமாக இருக்க வேண்டும் என்று விரும்பி, இளைய பெண்களின் அருகில் நின்றால்தானே சிக்கல் முதியவர்கள் அருகில் நின்று கொள்வோம் என நினைத்து அவ்வாறே செய்தான்.அவனது அருகில் ஒரு வயதான பாட்டி நின்றிருந்தால்,ஆனால் அவள் தலை நரைத்த வயதான பாட்டி என்பதால் அந்த கணவன் அவளை பொருட்படுத்தவில்லை.

வீட்டிற்கு சென்றான்.மனைவி அருகில் வந்தாள்.அவனை சோதனையிட்டாள்.மிகுந்த ஆய்விற்கு பிறகு நரைத்த முடியின் சிறு பகுதியை தன் கணவனின் உடையிலிருப்பதைக் கண்டால்.உடனே சினம் கொண்டாள்.இன்று நீங்கள் வயதான பெண்மணியோடு தவறான போக்கை கடைப்பிடித்துள்ளீர்கள் என்று சினம் கொண்டு அவன்மீது குற்றம் சுமத்தினாள்.கணவன் வெகுவாய் நொந்து போனான்....

மறுநாளும் பேருந்தில் செல்ல வேண்டிய சூழல் உருவானாது.ஆனால் இந்த முறை கணவன் மிக மிக கவனத்தோடு தன் பேருந்து பயணத்தை அமைத்துக் கொண்டான்.அதாவது பெண்கள் இருக்கும் பகுதியிலிருந்து பல அடி தூரத்திற்கு  விலகி நின்று கொண்டான்.வீட்டை அடையும் முன் தன்னைத்தானே நன்கு சோதித்துக் கொண்டான்.எந்த சிக்கலும் இல்லை என்பதை உணர்ந்து கொண்ட அவன் வீட்டினுள் மகிழ்ச்சியோடு நுழைந்தான்.

மனைவி வந்தாள்.ஒன்றுக்கு இரு முறையாக சோதனையிட்டாள்.ஒரு துருப்பும் கிடைக்கவில்லை.ஆனாலும் அவன் மீது குற்றம் சுமத்த விரும்பினாள்.யோசித்தாள் காரணம் கிடைக்கவில்லை.மீண்டும் ஆழமாக யோசித்தாள்..அவளின் நோக்கம் குற்றம் சுமத்துவது தானே.இப்படி பலமுறை யோசித்து இறுதியில் ஒரு முடிவிற்கு வந்தாள்.நீ மொட்டை அடித்த ஒரு பெண்ணோடு தகாத உறவை மேற்கொண்டாய் என்றாள்.

கணவனுக்கு தலை சுத்தியதோடு மட்டுமின்றி இந்த பூமி சுத்துவதையும் அவனால் பூமியின் மீதிருந்தே காண முடிந்தது.

கணவன்-TRB மற்றும் தமிழக அரசு
மனைவி-வழக்குத் தொடுத்தவர்களும் போராட்டக்காரர்களும்.

எந்த weighatge முறை கொண்டு வந்தாலும் TET தேர்வில் தேர்ச்சி பெற்றுள்ள 72,711 பேரில் தெரிவு செய்யப் பட்டுள்ள 14,700 பேர் போக மீத முள்ளவர்கள் வெளியேற்றப்படும் நிலைதான் உருவாகும்.

அப்படி வெளியில் இருப்பவர்கள் எப்பொழுதும் குற்றம் சொல்லிக் கொண்டேதான் இருப்பார்கள்.