TET:ஓர் ஏர் உழவன் போல...

"ஆடமை புரையும் வனப்பிற் பணைத்தோட்
பேரமர்க் கண்ணி யிருந்த வூரே
நெடுஞ்சே ணாரிடை யதுவே நெஞ்சே 
ஈரம் பட்ட செவ்விப் பைம்புனத்    
தோரே ருழவன் போலப்
பெருவிதுப் புற்றன்றா னோகோ யானே."
                                                -குறுந்தொகை


விளக்கம்:
ஓரேருழவன், ஈரம் வீண்படாமல் உழுதற்கு விரைதலைப் போல என் நெஞ்சம் தலைவியை உரிய பருவத்தே கண்டு அளவளாவ விரைகின்ற தென்றான். பல ஏருடையான் சிறிது சோம்பியிருப்பினும் ஏவலாளர் உதவிகொண்டு குறுகிய கால அளவில் உழுதுவிடல் கூடும்; ஓரேருழவனோ அவ்வோரேரைக் கொண்டே ஈரம் வீண்படாமல் உழவேண்டியவனாதலின் விரைவான். ஆதலின் அவனை உவமை கூறினான். ஓரேருழவனென்றது
ஓரேரும் அதனால் உழப்படும் சிறு நிலமும் உடையவனைக் குறித்தது.  
சங்க இலக்கிய குறுந்தொகைப்பாடலில் 131வது பாடலாக வருகின்ற இந்தப்பாடலுக்கும் TET -2013ல் தேர்ச்சி பெற்று பணி நியமண ஆணை பெற்ற அனைவருக்கும் ஒரு தொடர்பு உள்ளது.

தலைவன் கூற்று:

தலைவியைப் பிரிந்துவந்த தலைவன் தான் மேற்கொண்ட முயற்சி முற்றுப்பெற்ற பின் தலைவிபால் மீள எண்ணி, “தலைவியின் ஊர் நெடுந்தூரத்தில் உள்ளது; “அவள்பாற் செல்வதற்கு என் நெஞ்சம் மிக விரைகின்றது” என்று கூறியது.

வினையின்(வழக்குகள்) காரணமாகத் தலைவியைப்(பணி நியமனம்) பிரிந்த தலைமகன் (பணி நியமண ஆணை பெற்ற தேர்வர்கள்) அவ்வினை(வழக்குகள்) முடிந்த பின்னர் தலைவியைக் காண ஓர் ஏர் உழவன் போல் விரைந்து வருகிறான். இங்கு ஓர் ஏர் உழவன் என்பது சுறுசுறுப்பைக் காட்டுகிறது. மேலும் எவருடைய துணையும் இன்றித் தன் வேலையைத் தானே செய்ய வேண்டும் என்பதையும் குறிக்கிறது.

நீங்கள் செய்ய வேண்டியது:

1. உங்கள் பள்ளியைப் பற்ற்ய முழு விவரம்
2. பள்ளிக்கு அருகில் உள்ள ரயில் நிலையங்கள், பேருந்து நிலையங்கள்
3. பள்ளி அமைவிடம் கிராமம் என்றால் அங்கு செல்லும் நகரப்பேருந்து வசதிகள்
4. தங்கும் வசதி / உணவு வசதி

ஆகியவற்றை முழுமையாகத் தெரிந்து வைத்திருத்தல் நலம்.

பள்ளியில் சேரும் நாளன்று:

1. APPOINTMENT ORDER Original + 2 Photo copies
2. MEDICAL FITNESS CERTIFICATE (Not Below Civil Surgeon Rank) - 2 Photocopies
3. All Educational Documents - ORIGINAL and 3 set of Photocopies
4. Employment Registration Card ORIGINAL Only (Photocopy for your reference)
5. Service Register (Get a THICK Book)
6. Passport size Photo - 3 Copies

இவற்றையெல்லாம் தயார் நிலையில் வைத்துக் கொள்ளுங்கள். எந்த நேரத்திலும் பணியில் சேர அழைப்பு வரலாம்..

பின் குறிப்பு:

ஒருவேளை விடுமுறை முடிந்த பின்னர் பணியில் சேர வேண்டியது எனில் வெளி மாவட்டங்களைச் சேர்ந்தவர்கள் இரண்டு நாட்களுக்கு முன்னரே சென்று விடுங்கள் குறிப்பாக தென் மாவட்டங்களைச் சேர்ந்தவர்கள். ஏனெனில் விடுமுறை முடிந்து தெற்கிலிருந்து வடக்கு நோக்கிச் செல்ல பேருந்து/ரயில் கிடைப்பது குதிரைக் கொம்பாகி விடும்